भारतको विधानसभा निर्वाचनलाई ध्यानमा राख्दै विराटनगरसहित मोरङका सिमावर्ती नाकामा सुरक्षा कडा पारिएको छ। रानीसहित भारतसँग जोडिएका नाकाहरू शनिबारदेखि तीन दिनका लागि सिल गरिएको हो।

मोरङ र भारतको अररिया जिल्लाका सुरक्षा अधिकारीबीच सहमति अनुसार निर्वाचन अवधिभर नाका बन्द गरिएको जिल्ला प्रशासन कार्यालयले जनाएको छ। मंगलबार बिहारमा मतदान सम्पन्न भएपछि नाका पुनः खुल्नेछ।

सीमाक्षेत्रमा नेपाल र भारत दुबै पक्षका सुरक्षाकर्मीले निगरानी बढाएका छन्।