विशेष अदालतले सर्लाहीस्थित बागमती नगरपालिकाका निलम्बित मेयर भरतकुमार थापालाई गैरकानुनी रूपमा सम्पत्ति आर्जन गरेको आरोपमा दोषी ठहर गरेको छ।

अदालतका अध्यक्ष न्यायाधीश टेकनारायण कुँवर तथा सदस्यद्वय मुरारीबाबु श्रेष्ठ र विदुर कोइरालाको इजलासले थापालाई एक वर्ष कैद सजायको साथै ३ करोड ४५ लाख २२ हजार ३८७ रुपैयाँ जरिवाना तोकेको हो।

अदालती फैसलामा थापा र उनको परिवारको आय स्रोतभन्दा खर्च अत्यधिक देखिएको उल्लेख छ। अदालतका अनुसार उनीहरूको आयभन्दा ३ करोड ४५ लाख २२ हजार ३८७ रुपैयाँ २३ पैसा बढी खर्च भएको देखिएको छ, जुन गैरकानुनी रूपमा आर्जन गरिएको ठहर गरिएको हो।