साउन २१ गते, इनरुवा — सुनसरीको कोशी गाउँपालिका–८ भिमनगर बोर्डर नजिकै नक्कली नोट कारोबार गर्ने दुईजनालाई प्रहरीले नियन्त्रणमा लिएको छ।

ईलाका प्रहरी कार्यालय भाण्टाबारीको टोलीले लु.९२ प.२३८० नम्बरको मोटरसाइकल जाँच गर्ने क्रममा सप्तरी हनुमान कंकालिनी नपा–०२ का २६ वर्षीय राजेश कुमार रजक र वडा नं. १ का २५ वर्षीय राजेश चमार रजकलाई पक्राउ गरेको छ।

पक्राउ परेका राजेश चमार रजकको साथबाट एक हजार रुपैयाँका ३८ थान नक्कली नोट फेला परेको प्रहरीले जनाएको छ।

मोटरसाइकल समेत नियन्त्रणमा लिएर उनीहरूलाई थप अनुसन्धानका लागि जिल्ला प्रहरी कार्यालय सुनसरीमा ल्याइएको छ।