खबर ठुलो छ

विराटनगरस्थित नोबेल शिक्षण अस्पतालले विरामीको मृत्यु भएपछि पनि ३ दिन आईसीयूमा राखेर उपचार गरेर रकम असुलेको विरामीका आफन्तले आरोप लगाएका छन् । सुनसरीको भोक्राहा गाउँपालिका–२ का २५ वर्षीय नइम मन्सुरीको मंगलबार बिहानै मृत्यु भएको तर अस्पतालले आईसीयूमा राखेर उपचार जारी छ भन्दै औषधि किन्न लगाएर रकम असुलेको आफन्त बताउँछन् ।

मन्सुरीकी पत्नी रुक्सार खातुनका अनुसार बुधबार राति र बिहीबार बिहान १० बजे औषधि खरिद गर्न लगाएको र रगत जाँचका लागि पैसा तिर्न लगाएर उपचार भइरहेको स्वाथ्यकर्मीहरुले बताएका थिए।

‘बिहीबार बिहान ११ बजे आएका चिकित्सकले अस्ति नै मृत्यु भइसकेकाले घर लग्न भनेको अझै किन राखिरहेको भन्दै उल्टै गाली गरेपछि चकित भयौं,’ उनले भक्कानिदै भनिन्, ‘चिकित्सकले भनेपछि पो श्रीमान्‌को तीन दिन अगावै मृत्यु भइसकेको थाहा पायौं।’ आफूहरुले चिकित्सकलाई कसलाई अस्ति घर लग्न भनेको भन्दा केही नबोली गएको उनले सुनाइन्।

ज्वरो आएको र टाउको दुखिरहेकोले छोरालाई फागुन १२ गते अस्पतालमा उपचारका लागि भर्ना गराएको मृतककी आमा मकिनाले बताइन्। ‘नइमलाई ७ दिनदेखि आईसीयूमा राखेर उपचार भइरहेको थियो,’ उनले रुँदै भनिन्, ‘हामी भेट्न जाँदा ६/६ घण्टामा औषधि दिने गरेकाले बोल्न नसक्ने र हातखुट्टासमेत नचल्ने चिकित्सकले भन्थे ।’

अस्पताल भर्ना गरेपछि नइमको टाउकोमा पानी जमेको चिकित्सकले बताएका थिए।

‘नइमको २ र ५ वर्षका दुई छोरा छन्,’ खातुनले भनिन्,‘ऐलानी जग्गामा बसोबास गर्दै आएकाले हाम्रो जीवनको एकमात्र सहारा नइम थियो।’ नइम परिवारको एकमात्र सहारा भएको र अस्पतालले खोसेको भन्दै उनले जीवन गुजार्न गाह्रो हुने बताइन् ।

अस्पतालमा उपचारको क्रममा करिब १ लाख नाताकुटुम्ब लगायतसँग चन्दा संकलन गरेर बुझाइसकेको र अझै ९५ हजार रुपैयाँ तिर्न बाँकी रहेको छ भने औषधिको २ लाख बाँकी रहेको खातुनले बताइन् ।

चिकित्सकले मृत्यु भइसकेको बिरामीलाई किन ३ दिनदेखि उपचार गरिरहेको प्रष्ट पार्नुपर्ने भन्दै पीडित परिवार आन्दोलनमा उत्रेको छ। आफू जस्तै अन्य आमाले यस्तो पीडा व्यहोर्न नपरोस् भनेर अस्पताललाई दण्डित गर्नुपर्ने माग राखेको खातुनको भनाइ छ।

‘उपचारमा संलग्न चिकित्सकले तीन दिनअघि कसलाई घर लग्न भनेको त्यो प्रष्ट पार्नुपर्‍यो र गल्ती स्वीकार्नु पर्‍यो,’ उनले भनिन्,‘मृत्यु भएकालाई तीन दिनदेखि उपचार गर्ने र उल्टै चिकित्सकले गाली गर्न मिल्छ ?’ आफूहरुले न्याय नपाउञ्जेल शव नबुझ्ने पीडित परिवारको अडान छ।

अस्पतालका जनसम्पर्क अधिकृत नारायण दाहालले पीडित परिवारसँग अस्पतालका निर्देशक आफैंले छलफल गरिरहेकाले छलफलपछि मात्रै केही भन्न मिल्ने बताए। उनले विषय गम्भीर भएकाले तत्कालै केही भन्न नमिल्ने बताए।

 

-कान्तिपुर पत्रिकामा बिराटनगर बाट देवनारायण साहले लेखेको समाचार

बिहिबार, फाल्गुण २२, २०७६मा प्रकाशित गरिएको
प्रतिक्रिया दिनुहोस
सम्बन्धित खबरहरु
जनमत
  • व्यवसायिक रुपमा पाँचौ पुस्ता (5G) सेवा सञ्चालन गर्ने पहिलो देश कुन हो ?

    View Results

    Loading ... Loading ...
ताजा
भाइरल
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

सोसल मिडिया