एजेन्सी । एसिया कप क्रिकेट अन्तर्गत बिहीबार बंगलादेश र श्रीलंका प्रतिस्पर्धा गर्दैछन् । दुबई अन्तर्राष्ट्रिय क्रिकेट मैदानमा हुने दुई टोलीबीचको खेल नेपाली समय अनुसार साँझ ७ः४५ मा सुरु हुनेछ ।

आजको खेलमा दुबै टोली पहिलो जित निकाल्ने योजनामा हुनेछन् । प्रतियोगितामा हालसम्म दुई टोलीले जित निकाल्न सकेका छैनन् । आजको खेलमा जित निकाल्ने टोली सुपर चारमा स्थान बनाउने छ ।

प्रतियोगिताको समूह ‘बी’ बाट अफगानिस्तानले सुपर चारमा स्थान बनाइसकेको छ । यस समूहको अन्तिम खेलमा जित निकाल्ने टोलीले सुपर चारमा स्थान बनाउने छ ।

यता समूह ‘ए’ बाट भारतले सुपर चारमा स्थान बनाइ सकेको छ । प्रतियोगिताको सुपर चारमा पुग्ने टोलीहरुले एकअर्काविरुद्ध खेल्नेछन् । शीर्ष स्थानमा हुने टोलीले फाइनलमा स्थान बनाउने छ ।