माेरङकाे रंगेली अस्पताल मा रहेका दरवन्दीका चिकित्सकहरु ले अस्पताल परिसर भित्र गैर जिम्मेवार बन्दै गएका छन् । अस्पताल भित्र चिकित्सक हरु ले बिहीबार मध्यरातमा नर्सिङ कुवाटरमा बाहिरी चिकित्सक सहित निजी औषधी व्यापारीलाई राखेर मदिरा खाएर मनोरञ्जन गर्ने गरेको खुल्न आएको छ । बिहीबार रंगेली अस्पतालका दरवन्दीका डा.रोशन झा को जन्मोत्सवमा मदिरा सहितको भोज आयोजना गरी गैर जिम्मेवार कार्य अस्पताल हाता भित्र चिकित्सकहरुले देखाएका हुन् । अस्पताल भित्र मध्यरातमा बाहिरी मान्छेहरूलाई नर्सिङ कुवाटरमा राखेर निषेधीत गतिविधी आयोजना गरेका थिए । साे बिषयमा अस्पताल परिसरमा निषेधित हुनु गलत भएको अस्पताल विकास समितीले जनाएको छ । बिहीबार राति अस्पतालमा सेवा लिन पुगेका स्थानियहरुले डाक्टरहरु मस्ती गरेर गैर जिम्मेवार बनेको भन्दै विरोध गरेपछी अस्पताल अशान्त समेत बनेको थियो । सो क्रममा नर्सिङ कुवाटरमा पार्टि मनाउन पुगेका निजी क्लिनकका डा. अशोक ठाकुर लुकेका थिए भने औषधी व्यापारी उमेश ताजपुरीया लगायत भने अस्पताल परिसर छाडेर भागेको स्थानीय युवा उषन खड्काले बताए । अस्पताल हाता भित्र मदिरा सेवन र सुर्तीजन्य वस्तु सेवन गर्न निषेश हुन्छ तर रंगेली अस्पतालमा भने खुलेआम विभिन्न मनोरन्जनको वहानामा चिकित्सकहरुले नै मदिरा सेवन गर्ने गरेकाेे खड्काले बताए । सो पार्टि मनोरन्जनमा विराट मेडिकल कलेजमा कार्यरत हाडजोर्नीका डा.अजय महतो सहित रंगेली अस्पतालका दरवन्दिका चिकित्सक रहेका थिए । उक्त कुरा शुक्रबार बाहिरिए पछि साे डाक्टर हरु ले आफुहरु असुरक्षित महसुस भएको भन्दै काेराेना काे माहामारीमा डिउटि राेष्टम छाडेर समेत भागेका छन