कैलाली जिल्लाको धनगढी उपमहानगरपालिका-७ स्थितबाट अवैध लागूऔषध ब्राउनसुगर ३ सय १० मिलिग्राम सहित सोही उपमहानगरपालिका-७ देवरिया बस्ने २४ वर्षीय फुलचन्द्र रानालाई बुधबार राति प्रहरीले पक्राउ गरेको छ । जिल्ला प्रहरी कार्यालय कैलालीबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो ।

त्यसैगरी वाग्लुङ जिल्लाको बडिगाड गाउँपालिका-७ डडीखोला बस्ने १९ वर्षीय गगन रोक्कालाई अवैध लागू औषध चरेश जस्तो देखिने वस्तु करिब २ सय ७० ग्राम सहित बिहीबार दिउँसो प्रहरीले पक्राउ गरेको छ ।

ईलाका प्रहरी कार्यालय भिमगिठेबाट खटिएको प्रहरीले उनकै घरबाट उक्त वस्तुसहित फेला पारी उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।