पाकिस्तानका तीव्र गतिका बलर मोहम्मद हसनैनले एसिया कप क्रिकेट खेल्ने भएका छन् । पाकिस्तानका तीब्र गतिका बलर शाहिन शाह अफ्रिदिले एसियाकप गुमाउने भएका कारण मोहम्मदले स्थान बनाएका हुन् ।

घुँडाको समस्याका कारण अफ्रिदी एसिया कपबाट बाहिरिएका हुन् । एसिया कप अगस्ट २७ बाट युएईमा सुरु हुनेछ । प्रतियोगितामा ६ टोली सहभागी हुँदैछन् । एसीसीले सहभागी ६ टोलीलाई दुई समूहमा विभाजन गरेको छ ।

पाकिस्तान समूह ‘ए’ मा छ । समूह ‘ए’ भारत र छनोटबाट आउने एक टोली रहेका छन् । कुवेत, हङकङ, सिंगापुर र कुवेत मध्ये एक टोली यस समूहमा रहने छन् । प्रतियोगिताको उद्घाटनमा श्रीलंका र अफगानिस्तानबीच अगस्ट २७ मा प्रतिस्पर्धा हुनेछ ।