काठमाडौ। परराष्ट्रमन्त्री डा. नारायण खड्का आज छिमेकी मित्रराष्ट्र चीनको भ्रमणका लागि बेइजिङ जाँदैछन । चिनियाँ समकक्षी वाङ यीको निमन्त्रणमा उनी चीन जान लागेका हुन् ।
मन्त्री खड्का ११ सदस्यीय टोलीको नेतृत्व गर्दै चीनको तीनदिने भ्रमणमा जान लागेका हुन् ।
खड्काको भ्रमण ‘दुई मुलुकबीच विश्वासको वातावरण बढाउन’ केन्द्रित रहने परराष्ट्र मन्त्रालयले जनाएको छ ।
मन्त्रालयका अनुसार मन्त्री खड्काले चिनियाँ विदेशमन्त्री वाङसँग बुधबार भेटवार्ता गर्ने तालिका छ । उनले यीसँग सान्तोङ प्रान्तको छिङ्ताओमा भेट्ने कार्यक्रम छ ।
भ्रमणमा दुई मुलुकबीचको आपसी हितका विविध विषयमा छलफल हुने बताइएको छ ।
शेरबहादुर देउवाको नेतृत्वमा एक वर्षअघि सरकार गठन भएपछि पहिलोपटक चीनतर्फ उच्च तहको भ्रमण हुन लागेको हो । मन्त्री खड्का बिहीबार स्वदेश फर्किने कार्यक्रम छ ।
१.
२.
३.
हिपमत डटकम