काठमाडौं। सरकारले प्रतिनिधिसभा र प्रदेशसभा निर्वाचन मंसिर चार गते देशैभर एकै चरणमा गर्ने घोषणा गरेको छ ।

आज बसेको मन्त्रिपरिषद् बैठकले मंसिर पहिला साता निर्वाचन गर्ने निर्णय गरेको हो । सत्तारूढ दल र निर्वाचन आयोगसँगको परामर्शमा सरकारले निर्वाचनको मिति घोषणा गरेको हो ।

निर्वाचन आयोगले सरकारलाई मङ्सिर दुई गते निर्वाचन गर्न सरकारलाई सिफारिस गरेको थियो । निर्वाचनको तयारी गर्न कम्तीमा एक सय २० दिन वा चार महिनाअघि मिति घोषणा गरिनुपर्ने निर्वाचन आयोगका पदाधिकारीले बताउँदै आएका थिए ।

तर आयोगलाई अब तयारीका लागि १ सय सात दिन मात्रै छ। २०७४ साल मंसिर १० र २१ गते दुई चरणमा प्रतिनिधिसभा र प्रदेशसभा निर्वाचन सम्पन्न भएको थियो ।

प्रतिनिधिसभा र प्रदेशसभाको पाँच वर्षे कार्यकाल सकिन लागेकाले नयाँ निर्वाचन हुन लागेको हो । निर्वाचनवाट प्रतिनिधिसभाका २ सय ७५ सदस्य र प्रदेश सभाका ५ सय ५० सदस्य चयन हुनेछन् ।

प्रतिनिधिसभामा १ सय ६५ जना प्रत्यक्ष र एक सय १० जना समानुपातिक प्रणालीबाट निर्वाचित हुन्छन् । प्रदेशसभाका लागि प्रत्यक्षतर्फ ३ सय ३० जना र समानुपातिकतर्फ २ सय २० जना निर्वाचित हुनेछन् ।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया