काठमाडौ । सभामुख अग्निप्रसाद सापकोटाले नागरिकता सम्बन्धी विधेयकलाई प्रमाणित गरेका छन् ।

सापकोटाले प्रतिनिधि सभामा उत्पत्ति भएर संघीय संसद्बाट पारित भएको नेपाल नागरिकता ऐन २०६३ लाई संशोधन गर्न बनेको विधेयलाई आज प्रमाणित गरेका हुन ।

प्रतिनिधि सभा र राष्ट्रिय सभाबाट बहुमतले पारित भएको सो विधेयक अब राष्ट्रपति विद्यादेवी भण्डारीले प्रमाणित गर्नुपर्ने हुन्छ । राष्ट्रपतिबाट प्रमाणिकरण भएपछि सो संशोधित विधेयक ऐनको रुपमा कार्यान्वयनमा जानेछ । प्रतिनिधि सभा र राष्ट्रिय सभाबाट विधेयक पारित भएसँगै गैर आवासीय नेपालीहरुले त्यसको स्वागत गरेका छन् । कतिपयले भने गैर नेपालीले सहजै नागरिकता पाउने व्यवस्था गरिएको भन्दै विरोध जनाएका छन ।