काठमाडौं । नेपाली कांग्रेस संसदीय दलका नेता एवम् सभापति शेरबहादुर देउवाले संसदीय दलको प्रमुख सचेतकमा चित्रलेखा यादवलाई नियुक्त गरेका छन् ।

बुधबार सभापति देउवाले आफूलाई कांग्रेस संसदीय दलको प्रमुख सचेतकको जिम्मेवारी दिएको यादवले जानकारी दिएकी छिन् । त्यस्तै, सचेतकमा मीनबहादुर विश्वकर्मालाई नियुक्त गरिएको उनले बताए ।

यसअघि प्रमुख सचेतक रहनुभएका बालकृष्ण खाण गृहमन्त्री हुनुभएपछि सो पद रिक्त थियो । त्यस्तै, सचेतक रहनुभएका पुष्पा भुसाल प्रतिनिधिसभाको उपसभामुखमा नियुक्त हुनुभएपछि रिक्त रहेको सचेतक पदमा विश्वकर्मालाई नियुक्त गरिएको हो ।