हिपमत डटकम

आइतबार, आषाढ १९, २०७९ || 27724  पटक पढिएको

काठमाडौं। नेकपा माओवादी केन्द्रले पार्टीभित्रैबाट भएको अन्तर्घात र गठबन्धनका कारण स्थानीय चुनावमा लक्ष्यअनुसार नतिजा आउन नसकेको निष्कर्ष निकालेको छ ।

माओवादी केन्द्रको केन्द्रीय समिति बैठकलाई सम्बोधन गर्दै अध्यक्ष दाहालले गठबन्धन अपेक्षा गरेजस्तो सफल हुन नसकेको बताएका हुन् ।

गठबन्धनमा कांग्रेस इमान्दार नभएकाले अपेक्षा गरे अनुसार परिणाम नआएको अध्यक्ष दाहालको भनाइ छ ।

अध्यक्ष दाहालले जारी केन्द्रीय बैठकमा गठबन्धनलाई कसरी लैजाने देपख प्रदेश र संघको निर्वाचनको तयारीका बिषयमा छलफल हुने जानकारी दिए ।

अध्यक्ष दाहालले माओवादीलाई हराउन गठबन्धनकै दलहरु लागिपरेको भन्दै दाहालले माओवादी बलियो भएको ठाउँमा अन्य दलले खेलेको र कमजोर भएको ठाउँमा कुनै सहयोग नभएको समेत गुनासो गरेका छन् ।

उनले रुकुम, रोल्पा, कालीकोट जस्ता जिल्लाहरुमा अरु दल एकातिर र माओवादी एक्लै एकातिर हुनुपरेको पनि उल्लेख गरे । अध्यक्ष दाहालले पार्टीभित्रका अन्तर्घातीहरुलाई पनि कारबाही गरिने पनि बताए ।

पार्टीले १ सय ५० देखि १ सय ७५ को बीचमा स्थानीय तह निर्वाचनमा नेतृत्व जित्ने अपेक्षा लिएपनि अन्तर्घात र गठबन्धनका कारण सफल हुन नसकेको दाहालको भनाइ थियो ।

आगामी निर्वाचनमा माओवादी कम्युनिस्टहरूको पहिलो नम्बरमा आउने उनले जिकिर गरेका छन् ।

बैठकमा अध्यक्ष दाहालले केन्द्रीय समितिका नयाँ सदस्यहरुको शपथ समेत गराएका छन् ।

केन्द्रीय समितिको बैठक आजबाट काठमाडौंको प्रज्ञा भवनमा शुरु भएको हो । तीन दिनसम्म चल्ने बैठकमा बैठक सञ्चालन प्रक्रियाबारे अध्यक्षबाट जानकारी, प्रदेशहरुका तर्फबाट संक्षिप्त रिपोर्टिङ हुने माओवादी नेताहरुले बताएका छन् ।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया
error: कृपया कपि नगर्नु होला !!