एजेन्सी। नर्वेको राजधानी ओस्लोको एक नाइट क्लबमा गोलाबारी हुँदा दुई जनाको मृत्यु भएको छ ।

गोली लागेर १० जना घाइते भएका छन् । घाइतेमध्ये तीन जनाको अवस्था गम्भीर भएको नर्वे प्रहरीले जनाएको छ ।

नर्वेका स्थानीय सञ्चार माध्यमका अनुसार गोलाबारी एउटा लोकप्रिय समलैंगिक बार लन्डन पबमा भएको बताइएको छ ।

आक्रमणको उद्देश्य के थियो भन्ने खुल्न सकेको छैन । प्रहरीले संदिग्ध व्यक्तिलाई पक्राउ गरेको जनाएको छ । ओस्लोले आज वार्षिक प्राइड परेड आयोजना गर्ने कार्यक्रम रहेको छ ।