साल्ट ट्रेडिङ कर्पोरेसन लिमिटेडले ६० हजार बोरा (तीन हजार मेट्रिक टन) युरिया मल ल्याएको छ ।

भारतको कोलकाता बन्दरगाह हुँदै ५० हजार बोरा वीरगञ्ज र १० हजार बोरा विराटनगर आइपुगेको साल्ट ट्रेडिङका विभागीय प्रबन्धक ब्रजेश झाले जानकारी दिए ।

उनका अनुसार, २२ हजार मेट्रिक टन युरिया भारतको कोलकाता बन्दरगाहमा आइपुगेकोमध्ये तीन हजार मेट्रिक टन मल बिहीवार बिहान नेपाल भित्रिएको हो । बाँकी मल आउने क्रममा रहेको विभागीय प्रबन्धक झाले बताए ।

जेठ २७ गते साल्ट ट्रेडिङ ले नै २० हजार मेट्रिक टन डीएपी मल ल्याएर बिक्री वितरण गरिरहेको छ ।