चन्द्रमाको सतहमा पुगेर खोज गरिरहेको चिनियाँ रोबोटले एक रहस्यमयी वस्तु भेटेको छ, जसलाई एलियनको झुपडी (Alien Hut) भनेर विश्वव्यापीरूपमा चर्चा भइरहेको छ ।

उक्त रहस्यमयी आकृति कैद गर्ने रोबोटको नाम युतु– २ हो । चिनियाँ वैज्ञानिकहरू रोबोटलाई उक्त आकृति भएकोतर्फ लैजान डराइरहेका छन् ।

चाइना नेसनल स्पेस एड्मिनिस्ट्रेसन (CNSA) का अनुसार युतु– २ चन्द्रमाको सतहमा उत्तरतर्फ अगाडि बढिरहेको थियो । सोही समयमा केही पर उसले रहस्यमयी आकृति कैद गर्न सफल भयो ।

एलियनको झुपडी भनिएको उक्त रहस्यमयी आकृति र रोबोटको दूरी करीब २ सय ६० फिट रहेको बताइएको छ ।

नजिक जाँदा रोबोटमा कुनै क्षति हुनसक्ने आकलनसहित उसलाई त्यहाँबाट अगाडि बढाउन वैज्ञानिकहरू हिच्किचाइरहेका छन् ।