सोलुखुम्बु, खुम्बुपासाङ ल्हामु गाउँपालिका-४ खुम्जुङ बस्ने ४२ वर्षीय पासाङ छिरी शेर्पा सोही ठाउँस्थित खुम्जुङ गुम्बाबाट खुन्देतर्फ जाने बाटोमा सोमबार मृत अवस्थामा फेला परेका छन् ।

गोरखा, गोरखा नगरपालिका-१२ खत्रेबेशीस्थित दरौदी खोलाको किनारमा सोही ठाउँस्थित नयाँबस्ती बस्ने ६५ वर्षीया डोल्मा तामाङ सोमबार मृत अवस्थामा फेला परेका छन् । असोज ३० गतेदेखि घरबाट हराई बेपत्ता भएका उनको खोजी गर्ने क्रममा उक्त ठाउँमा शव फेला परेको हो ।

चितवन, कालीका नगरपालिका-३ हिस्सेटाडीस्थित पर्खालको आडमा हाल नाम, थर, वतन नखुलेका करिब ४५ वर्षीय पुरुष सोमबार मृत अवस्थामा फेला परेका छन् ।

रुकुम(पश्चिम), मुसिकोट नगरपालिका-१० गलमपाति बस्ने ३३ वर्षीय रन बहादुर रोका सोही ठाउँस्थित भिरमा सोमबार मृत अवस्थामा फेला परेका छन् ।

यस सम्बन्धमा प्रहरीले आवश्यक अनुसन्धान गरिरहेको छ ।