बागमती नगरपालिका-११ पुतलीचोकस्थित नर्सिङ ज्वेलर्सका संचालक ललन साहको नगद २० हजार रुपैयाँ, २ तोला सुन, ५ सय ग्राम चाँदी र १ थान मोबाईल शनिबार साँझ लुटपाट भएको छ ।

उक्त ज्वेलर्सबाट घरतर्फ फर्कने क्रममा मोटरसाइकलमा आएका ३ जना अपरिचित ब्यक्तिहरुले उनको साथबाट विभिन्न धनमाल लुटी लगेको भन्ने खबर प्राप्त हुनासाथ ईलाका प्रहरी कार्यालय कर्मैया र ईलाका प्रहरी कार्यालय हरिवनबाट खटिएको प्रहरीले लुटपाटमा संलग्न हाल फरार व्यक्तिहरुको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।