हिपमत डटकम

शनिबार, कार्तिक २७, २०७८ || 426  पटक पढिएको

राज्य सञ्चालनका लागि नयाँ सार्वभौम परिषद् गठन गर्ने सुडानका सेना प्रमुख अब्देल फताह अल बुर्हानको कदमलाई पश्चिमा जगतले एकलौटी भन्दै आलोचना गरेको छ । देशमा प्रजातन्त्र स्थापनाका लागि गठित संक्रमणकालीन सरकारलाई अपदस्थ गर्दै बर्हानले गत महिना सत्ता हातमा लिएका थिए ।

‘सेनाको यो एकपक्षीय कदमले यसअघि सहमति जुटेको संक्रमणकालीन फ्रेमवर्कलाई कार्यान्वयन गर्ने प्रतिवद्धताको अवमूल्यन गर्छ,’ नर्वे, बेलायत, अमेरिका, युरोपेली युनियन र स्वीट्जरल्यान्डले शुक्रबार जारी गरेको संयुक्त विज्ञप्तिमा भनिएको छ, ‘हामी यस्ता कदमको विरुद्धमा छौं ।’

बुर्हानले जनताको प्रतिनिधित्व गर्दै सार्वभौम सरकारमा सहभागी भएका प्रधानमन्त्रीसहित मन्त्रीहरुलाई नजरबन्द गरेका छन् । त्यसयता, सुडानमा आन्दोलन चलिरहेको छ । तर, बुर्हानले त्यसको बेवास्ता गर्दै गत बिहीबार एकलौटी रुपमा १४ सदस्यीय सार्वभौम परिषद् गठन गरेका थिए । यस परिषद्मा उनी आफैं प्रमुख छन् । बिहीबार राति नै यो परिषद्ले सपथ लिएको छ ।

परिषद्को उपप्रमुखमा अर्धसैन्य दस्ता र्यापिड सपोर्ट फोर्सका नेता मोहम्मद हम्दान डागालो छन् । यस परिषद्मा तीन वरिष्ठ सैन्य व्यक्तित्व पनि छन्, जो अघिल्लो परिषद्‍मा पनि थिए । त्यस्तै, पाँचजना जनताका प्रतिनिधि र तीन पूर्व विद्रोहीहरु पनि छन् । थप, तीनजनाले भने सपथ लिन बाँकी छ ।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया
error: कृपया कपि नगर्नु होला !!