काठमाडौं, कीर्तिपुर नगरपालिका-५ चारधारे नजिकैको पोखरीमा डुबेर सोही ठाउँ बस्ने धादिङ थाक्रे गाउँपालिका-३ घर भएका सुजन लामाको छोरा ५ वर्षीय सुदिन लामाको बिहीबार दिउँसो मृत्यु भएको छ ।
पोखरीमा डुबेर अशक्त भएका उनको कीर्तिपुर अस्पतालमा उपचारको क्रममा मृत्यु भएको हो ।
त्यसैगरी सर्लाही, बरहथवा नगरपालिका-७ बस्ने पर्सा, पर्सागढी नगरपालिका-२ घर भएका रिजमान अंसारीको छोरा २ वर्षीय समिर अंसारीको घर पछाडि पानी जमेको खाल्टोमा डुबेर बिहीबार साँझ मृत्यु भएको छ ।
डुबेर अशक्त भएका उनको भेनस अस्पताल बरहथवामा उपचारको क्रममा मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको छ ।