गोरखा नगरपालिका वडा नम्बर १४ का ४७ वर्षिय पुर्णबहादुर दराईको नदीले बगाउँदा मृत्यू भएको छ । मंगलवार दिउँसो श्राद्ध सकेर पिण्ड सेलाउन घर नजिकैको मस्र्याङ्दी नदीमा पुगेका उनी बेपत्ता भएका थिए ।

बुधवार बिहान उनको खोजतलास गर्दा पिण्ड बगाएको ठाउँबाट केही तल शव भेटिएको जिल्ला प्रहरी कार्यालय गोरखाका डिएसपी प्रकाश दाहालले बताए ।

नदीमा बेपत्ता भएपछि कुरिनटार स्थित शसस्त्र प्रहरी बलको गोताखोर र स्थानीय प्रहरीको टोलीले खोजी गर्दा शव फेला पारेको हो ।