अफगानिस्तानको राजधानी काबुलस्थित अन्तर्राष्ट्रिय विमानस्थलमा बिहीबार भएको विस्फोटमा अमेरिकी नागरिकले ज्यान गुमाएका छन् । पेन्टागनका प्रवक्ता जोन किर्बीले घटनामा अमेरिकी नागरिकले ज्यान गुमाएको पुष्टि गरेका हुन् ।

ट्वीटरमा यसबारे जानकारी दिँदै उनले लेखेका छन्, ‘एबी गेटमा भएको विस्फोट एक जटिल हमलाको नतिजा हो । जसमा कयौँ अमेरिकी र सर्वसाधारणले ज्यान गुमाएका छन् । एबी गेटभन्दा केही पर रहेको बैरन होटल वा त्यस निकट अर्को विस्फोट भएको पनि पुष्टि भएको छ ।’

बीबीसी संवाददाता जोनाथन बीलले एयरपोर्टबाहिर दुईवटा विस्फोट भएको र दोस्रो विस्फोटपछि गोली चलेको पनि सुनिएको थियो । घटनामा कम्तिमा ११ जनाको मृत्यु भएको बताइएको छ ।