हास्यकलाकार शिवहरी पौडेलको डेब्यू निर्देशित कमेडी चलचित्र ‘लक्का जवान’ को “मुसुक्कै हास न मैया” बोलको गीतको भिडियो सार्वजनिक भएको छ । चलचित्रको उक्त गीतमा बाबुल गिरीको सब्द तथा संगीत रहेको छ। गीतमा संगीतकार बाबुलसँगै जुनु रिजाल काफ्लेको स्वर सुन्न सकिन्छ भने गीतको भिडियोमा कविराज गहतराजको कोरियोग्राफी रहेको छ । किरण केसी, शिवहरी पौडेल, राजाराम पौडेल, दीलिप रायमाझी, प्रियंका कार्की, वर्षा सिवाकोटी, सलोन बस्नेत, सुशील पोखरेल, सरोज खनाल, अञ्जु महर्जनलगायतले गीतमा ठुम्का लगाएका छन् ।

गीतको अडियो र भिडियो दुवै औसत छ । ध्रुवदत्त र अनुसुयषा श्रेष्ठको प्रस्तुतीमा किरण केसी, दीलिप रायमाझी र शिवहरि पौडेल कार्यकारी निर्माताका रहेको चलचित्र ‘लक्का जवान’ को सह-निर्मातामा सुशील अर्याल, राजाराम पौडेल, राज केसी, सुरेन्द्र केसी, दीपेन्द्र खनियालगायत छन् । ‘आमा बंगलामुखी फिल्म प्रोडक्सन’ को ब्यानरमा बनेको ‘लक्का जवान’ ले केही पाका उमेरका मानिसहरुको कथा भन्ने बताइएको छ ।

चलचित्रमा अनुसुयषा श्रेष्ठ, सुरेन्द्र केसी, जयनन्द लामा, सविता गुरुङ, यमन श्रेष्ठ, विमला गिरीलगायतका कलाकारहरुको पनि अभिनय रहेको छ । चलचित्रमा बरिष्ठ हास्यकलाकार मदनकृष्ण श्रेष्ठ अथिती भूमिकामा छन् । चलचित्रको कथा, पटकथा तथा संवाद शिवहरी स्वयंको हो । चैत २१ गतेलाई प्रदर्शन मिति घोषणा गरेको चलचित्रमा दीलिप र प्रियंकाको जोडी बाँधिएको छ ।