गण्डकी प्रदेश सरकारबाट शिक्षा, संस्कृती, विज्ञान प्रविधि तथा सामाजिक विकास मन्त्रालयका नवनियुक्त मन्त्री मेखलाल श्रेष्ठको पहिलो प्राथमिकता शिक्षा क्षेत्रमा परेको छ।

कोभिड र बाढी पहिरोबाट समस्यामा परेका गण्डकी प्रदेशका विद्यालयलाई सुचारु गर्नको लागि आवश्यक कदम चाल्ने उहाँले बताउनुभयो।

 

जनतासँग प्रत्यक्ष सरोकार राख्ने मन्त्रालय रहेकोले शिक्षालाई उदाहरणिय रुपमा अगाडी बढाउँदै जेष्ठ नागरिकलाई सम्मान दिएर , बालबालिकाहरुको स्यहार सुसार गरि भविष्यको कर्णधार बनाउनेमा आफू प्रतिबद्ध रहेको बताउँदै महिला हक हितको लागि ११ वटै जिल्लामा केन्द्रको स्थापना गर्ने मन्त्री श्रेष्ठले बताउनुभयो।

 

मन्त्री श्रेष्ठले “बाढीपहिरोबाट क्षति भएका विद्यालयहरुको विवरण संकलन गरी पठन पाठन सञ्चालन गर्नको लागि सहयोग उपलब्ध गराइने, कोभिड–१९ बाट प्रभावित शिक्षक एवम् विद्यार्थीहरुको लगत संकलन गरी आवश्यक अनुसार मनोसामाजिक परामर्श उपलब्ध गराइनुका साथै विद्यालयहरुमा विद्यार्थी एवम् शिक्षकहरुको नियमित स्वास्थ्य परिक्षण गर्न स्वास्थ्य तथा जनसंख्या मन्त्रालयको समन्वयमा सञ्चालन गरिनेछ”, उहाँले भन्नुभयो।

मन्त्री श्रेष्ठले “असल नागरिक तयार गर्नको लागि सबैभन्दा पहिला असल शिक्षाको आवश्यक पर्छ, असल शिक्षकको नेतृत्वबाट नै कर्मठ र उर्जावान विद्यार्थी उत्पादन गर्न सकिन्छ । विद्यार्थी र शिक्षकहरुलाई मानसिक, शारिरीक र संवेगात्मक कारणले नियमित क्रियाकलाप गर्न असक्षम नहुन भनी त्यसको पहिचान गरि गुणस्तरीय शिक्षा उत्पादन गरि गण्डकी प्रदेशलाई नै अग्रस्थानमा राख्न दिनरात नभनी लागि पर्छु,” भन्दै प्रतिबद्धता व्यक्त गर्दै उहाँले शिक्षालाई प्रभावकारी बनाउनको लागि कार्यविधि बनाएर अगाडि बढ्ने योजना तयार पारेको जानकारी गराउनुभयो।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया
error: कृपया कपि नगर्नु होला !!