काठमाडौं । नेपाल राष्ट्र बैंकले बैंक तथा वित्तीय संस्थाहरुमा लगाएको कोटा प्रणाली हटाएको छ । सोमबार एक सूचना प्रकाशित गर्दै राष्ट्र बैंकले यसअघिको बैशाख १९ र जेठ १० को निर्णय खारेज गर्दै निषेधाज्ञामा वित्तीय कार्यालयहरु खोल्न पाउने कोटा हटाइएको जनाएको हो ।

योसँगै अब सबै वर्ग बैंक तथा वित्तीय संस्थाले ग्राहकको चापलाई हेरी आवश्यकता अनुसार आफ्ना केन्द्रिय कार्यालय तथा शाखा कार्यालयहरु खोल्न पाउने भएका छन् ।

यद्यपि, कोभिड–१९ को तिब्र संक्रमणको जोखिमलाई हेरेर सकेसम्म कार्यालय नखोल्न र वर्क फर्म होम गर्न सुल्झाएको छ । यस्तो अवस्थामा सकेसम्म डिजिटल प्रविधिको प्रयोग गर्न समेत राष्ट्र बैंकले सबै बैंक तथा वित्तीय संस्थाहरुलाई आग्रह गरेको छ ।

यसअघि बैंकले निषेधाज्ञाको अवधिमा सीमित शाखाहरु मात्र खोलेर कुल कर्मचारीको एक चौथाई कर्मचारीबाट मात्र वित्तीय सेवा प्रवाह गर्न सबै बैंक तथा वित्तीय संघ संस्थाहरुलाई भनेको थियो ।a