जनता समाजवादी पार्टी (जसपा) नेपाल संघीय परिषद् अध्यक्ष डा. बाबुराम भट्टराईले दलालहरू हिरो, देशभक्तहरू भिलियन ! भन्दै आफ्नो आक्रोश व्यक्त गरेका छन् । उनले परिवर्तनका लागि अर्काे पुस्ता लड्नु नपरोस् भनेर आक्रोश व्यक्त गरेका हुन् ।
सोमवार ट्विटर मार्फत आफ्नो आक्रोश पोख्दै डा. भट्टराईले प्रतिक्रान्तिकारीहरू सत्तामा र क्रान्तिकारीहरू सडकमा हुनु विडम्बना भएको गुनासो गरे ।
उनले आधुनिक नेपाल राज्यको निर्माणपछि सबभन्दा ठूलो परिघटना जनयुद्ध, जनआन्दोलन, मधेश विद्रोहको बलमा संविधान सभाबाट संघीय लोकतान्त्रिक गणतन्त्र संस्थागत हुनु नै रहेको जनाएका छन् ।
डा. भट्टराईले लेखेका छन्, ‘आधुनिक नेपाल राज्यको निर्माणपछि सबभन्दा ठूलो परिघटना जनयुद्ध÷जनआन्दोलन÷मधेश विद्रोहको बलमा संविधान सभाबाट संघीय लोकतान्त्रिक गणतन्त्र संस्थागत हुनु नै हो । तर विडम्बनाः प्रतिक्रान्तिकारीहरू सत्तामा, क्रान्तिकारीहरू सडकमा ! दलालहरू हिरो, देशभक्तहरू भिलियन ! सावधानः अर्को पुस्ता लड्न नपरोस् !’