काठमाडौँ – नेपाल कम्युनिष्ट पार्टी (एमाले) को ११औँ राष्ट्रिय महाधिवेशनमा झाँकी प्रदर्शन गरिएको छ।

भक्तपुरको सल्लाघारीस्थित मञ्चमा नेवार, मगर, शेर्पा लगायत विभिन्न जातजातिका झाँकीहरू प्रस्तुत गरिएको थियो। पञ्चैबाजा र नौसिङ्गे बाजागाजासहित भक्तपुरका विभिन्न ठाउँबाट विभिन्न वेशभूषा लगाएका सहभागीहरू पनि कार्यक्रममा उपस्थित थिए।

महाधिवेशनको उद्घाटन पार्टी अध्यक्ष केपी शर्मा ओली ले गरेका छन्। यो महाधिवेशन मङ्सिर २९ गतेसम्म सञ्चालन हुनेछ।