विराटनगर, ३० चैत । पछिल्लो २४ घण्टामा विराटनगरमा ११ जना कोरोना सङ्क्रमित थपिएका छन् । प्रदेश १ सामाजिक विकास मन्त्रालयका अनुसार पाँच महिला र छ पुरुषमा कोरोना सङ्क्रमण पुष्टि भएको हो ।
मन्त्रालयका अनुसार पछिल्लो २४ घण्टामा प्रदेश १ मा २५ जना कोरोना सङ्क्रमित थपिएका छन् । तीन सय ५० जनाको परीक्षण गर्दा ११ महिला र १४ पुरुष सङ्क्रमित थपिएका हुन् ।मन्त्रालयका अनुसार मोरङमा ११, सुनसरीमा ६, झापा र सङ्खुवासभामा ३–३ र प्रदेश १ बाहिरका २ जनाको रिपोर्ट पोजेटिभ देखिएको छ ।
मोरङको विराटनगरमा ११, सुनसरीको इनरुवा र धरानमा दुई– दुई, दुहवी र इटहरीमा एक–एक, झापाको दमकमा दुई र भद्रपुरमा एक, सङ्खुवासभाको खाँदबारीमा दुई र धर्मदेवीमा एक र प्रदेश १ बाहिरका दुई जनाको रिपोर्ट देखिएको हो । योसँगै प्रदेश १ मा सक्रिय सङ्क्रमितको सङ्ख्या एक सय ४० पुगेको छ ।
पछिल्लो २४ घण्टामा विराटनगरमा एकजना कोरोना सङ्क्रमितको मृत्यु भएको छ । विराटनगरको कोसी अस्पताल कोभिड १९ उपचार केन्द्रमा झापा दमकका ९२ वर्षीय पुरुषको मृत्यु भएको हो ।
कोरोना सङ्क्रमण पुष्टि भएपछि वृद्धलाई गत चैत २५ गते कोसी अस्पतालमा भर्ना गरिएको थियो । चिनी रोगी वृद्धको उपचारका क्रममा आइतबार राति करिब १२ बजे मृत्यु भएको अस्पतालका फोकल पर्सन एपोलो भगतले जानकारी दिए ।
हिपमत डटकम
१.
२.
३.
