कोरोना भाइरस (कोभिड–१९) संक्रमण रोकथामका लागि विभिन्न उपाय अन्तर्गत लकडाउन पनि एक उपाय हो । मान्छेका गतिविधि नियन्त्रण गरेर भाइरसको फैलावट कम गर्ने उपाय अपनाउँदै भारतका विभिन्न ठाउँमा लकडाउन गरिएको छ ।
भारतको मध्यप्रदेश बैतुलमा कोरोना संक्रमितको संख्या बढ्दै गएपछि स्थानीय प्रशासनले ५६ घण्टे लकडाउन गरेको छ । लकडाउनका बेला समेत मान्छेहरू अनेक बहाना बनाउँदै डुल्न थालेपछि प्रहरीले नियन्त्रणमा लिइरहेको छ ।
प्रहरीले लकडाउन उल्लंघन गर्नेहरूलाई नियन्त्रणमा लिएर कोरोनाबारे बनेको जागरण फिल्म देखाइरहेको भारतीय सञ्चारमाध्यमले जनाएका छन् ।
प्रोजेक्टरको माध्यमबाट फिल्म देखाएर गरिने सजायका माध्यमबाट सर्वसाधारणलाई सचेतना सम्बन्धी ज्ञान हुने प्रहरीको दाबी छ ।