पछिल्लो २४ घन्टामा मुलुकभर १ सय २० जनामा कोरोना संक्रमण पुष्टि भएको छ ।
६ हजार १ सय ४३ पीसीआर परीक्षण गर्दा १ सय २० जनामा कोरोना संक्रमण पुष्टि भएको शुक्रवार स्वास्थ्य तथा जनसंख्या मन्त्रालयले जनाएको छ ।
यससँगै हालसम्म मुलुकभर कोरोना संक्रमितको संख्या २ लाख ७४ हजार ६ सय ८ पुगेको छ ।
शुक्रवार ८३ जना संक्रमित उपचार पछि निको भएका छन् । यससँगै हालसम्म निको हुनेको संख्या २ लाख ७० हजार ७ सय ६६ पुगेको छ ।
मन्त्रालयका अनुसार, हालसम्म सक्रिय संक्रमितको संख्या ८ सय ३२ रहेको छ ।
शुक्रबार कोरोनाका कारण मृत्यु हुनेको संख्या शून्य रहेको छ । हालसम्म भने ३ हजार १० जनाको संक्रमणबाट मृत्यु भएको छ ।