बिहीवार साँझ बसेको मन्त्रिपरिषद बैठकले नेत्रविक्रम चन्द विप्लव नेतृत्वको नेकपामाथि लगाइएको प्रतिबन्ध फुकुवा गरेको छ । दुई दिन लगातार भएको वार्तामा भएको सहमति अनुसार प्रतिबन्ध फुकाइएको हो

सहमतिमा नेपाल कम्युनिस्ट पार्टीले आफ्ना सम्पूर्ण राजनीतिक विषयहरुको समाधान सम्वादका माध्यमबाट गर्ने, आफ्ना सम्पूर्ण राजनीतिक क्रियाकलापहरु शान्तिपूर्ण रुपमा सञ्चालन गर्ने र नेपाल सरकारका तर्फबाट लगाइएको नेपाल कम्युनिस्ट पार्टी माथीको प्रतिबन्ध हटाउने, सम्पूर्ण बन्दीको रिहाइ र मुद्दा खारेजी लगायत विषयहरु रहेका छन् ।
सरकारले आपराधिक क्रियाकलाप गरेको निष्कर्ष सहित विप्लव नेतृत्वको नेकपामाथि २ वर्ष पहिला प्रतिबन्ध लगाएको थियो ।