फ्रान्समा नयाँ प्रकारका कोरोनाभाइरसको पहिलो बिरामी फेला परेको पुष्टि भएको छ । तिब्र गतिमा सङ्क्रमण फैल्ने नयाँ भाइरस सबैभन्दा पहिले इंग्ल्याण्डमा पुष्टि भएको थियो ।

बीबीसीका अनुसार फ्रान्सको स्वास्थ्य मन्त्रालयले मध्य टौर्समा बस्ने सङ्क्रमित ब्यक्ति डिसेम्बर १९ मा लण्डनबाट फ्रान्स आइपुगेको जनाएको छ । मन्त्रालयले उहाँमा कुनै लक्षण नदेखिएको र घरमै सेल्फ आइसोलेशनमा बसेको बताएको छ । बेलायतमा नयाँ कोरोनाभाइरस देखिएपछि ४० भन्दा बढी राष्ट्रले यात्रामा प्रतिबन्ध लगाएको छ ।

डिसेम्बर २१ मा उक्त ब्यक्तिले अस्पतालमा परीक्षण गराउँदा भाइरसबाट सङ्क्रमित भएको पुष्टि भएको हो । नयाँ प्रकारको कोरोनाभाइरस शुक्रबारसम्म जापानमा पाँच जना, डेनमार्क, अष्ट्रेलिया र द् नेदरल्याण्ड्समा समेत फेला परेको छ । जापानमा पाँच जनामा सङ्क्रमणको पुष्टि भएको छ ।