नेकपा (दहाल–नेपाल) समुहका वरिष्ठ नेता झलनाथ खनालले प्रधानमन्त्री केपी शर्मा ओलीलाई गोमन सापसँग तुलना गरेका छन् ।
शुक्रबार आयोजित पत्रकार सम्मेलनमा खनालले ओलीलाई ‘उहाँ गोमन सापजस्तै हुनुहुँदोरहेछ’ भनेका छन् । गोमन सापलाई कसैले हिर्कायो र भाग्यो भने उसले हिर्काउने मान्छेको तस्वीर दिमागमा राख्ने र मौका पाउँदा ठुंङ्ग्ने गरेको खनालले सुनाए । खनालले महाधिवेशनमा आफूले हराएपछि बदला लिन खोजेको बताएका छन् ।
पार्टी केन्द्रीय कमिटी बैठकको निर्णय सार्वजनिक गर्न आयोजित पत्रकार सम्मेलनमा आफ्नो धारण राख्दै नेता खनालले नेकपाको आधिकारिक आफूहरु भएको भन्दै केपी शर्मा ओली समूहले बालुवाटारमा गरेको बेला रुखको बोक्रा मात्र भएको बताए ।