काठमाडौँ। माओवादी केन्द्रका अध्यक्ष पुष्पकमल दाहाल ‘प्रचण्ड’ले संसद् विघटनपछि संविधान खारेज र राष्ट्रपतिलाई हटाउनेसम्मको प्रयास भएको दाबी गरेका छन्।

संविधान दिवसका अवसरमा पेरिसडाँडामा आयोजित कार्यक्रममा उनले ती घटनाक्रमको प्रत्यक्ष साक्षी भएको बताए। उनका अनुसार, संवैधानिक संकट समाधानका लागि आफूले राष्ट्रपति, सेनापति र नेताहरूबीच समन्वय गर्दै अन्तरिम सरकार निर्माणमा पहल गरेका थिए।

प्रचण्डले राष्ट्रपति रामचन्द्र पौडेलले जटिल परिस्थितिमा संविधान जोगाउन सफल भएको भन्दै प्रशंसा पनि गरे।