खबर ठुलो छ

भारतीय सिनेमाको इतिहासमा बनेको सबैभन्दा ठूलो फिक्सनल एक्सन ड्रामा फिल्म बाहुबलीमा भिलेनको भूमिका निर्वाह गर्ने साउथका नायक राणा दग्गुबातीले आफ्नो अभिनयले सबैलाई प्रभावित गरे । तर गत वर्ष नायकका लागि मुश्किलको समय थियो । नायक जिन्दगी र मृत्युका बीच जुधिरहेको थिए । त्यतिबेला उनको तस्बिर सोसल मिडियामा भाइरल पनि भएको थियो जसमा उनी असाध्यै दुब्लो र बिरामी देखिएका थिए । त्यतिबेला मानिसहरुले उनी बिरामी भएको अनुमान मात्रै लगाएका थिए, कुनै आधिकारिक बयान आएको थिएन तर अब नायक आफैंले यसबारे मुख खोलेका छन् ।

राणा दग्गुबाती हालै नायिका समान्था अक्किनेनीको च्याट शोमा उपस्थित भएका थिए । यतिबेला उनले आफ्नो स्वास्थ्य र चुनौतीबारे कुरा गरे । नायकले भने, ‘जब जीवन तीब्र रुपमा अघि बढिरहेको थियो तब अचानक एक ब्रेक लाग्यो । मुटुमा केल्कीफिकेशन (कडा हुनु) का कारण निकै समस्या भयो । मृगौला पनि फेल भयो । स्थिती यस्तो थियो कि ७० प्रतिशत स्ट्रोकको खतरा थियो र ३० प्रतिशत मृत्युको खतरा थियो ।’


राणाको कुरा सुनेर समान्था पनि भावुक भइन् किनभने राणाले जुन स्थितीको सामना गरेका थिए त्यो उनले पनि देखेकी थिइन् ।

++++++++++स्मरण रहोस्, राणाले सुरुमा मृगौला प्रत्यारोपणको खबरलाई ठाडो अस्विकार गरेका थिए र आफू पूर्ण रुपमा स्वस्थ भएको बताएका थिए । उनले आफूप्रति प्रेम देखाएको भन्दै सबैलाई धन्यवाद पनि दिएका थिए । कामको कुरा गर्ने हो भने राणा दग्गुबाती फिल्म हाथी मेरे साथीमा देखिनेछन् । फिल्ममा उनी निकै भिन्न अवतारमा देखिनेछन् ।

मंगलबार, मंसिर ०९, २०७७मा प्रकाशित गरिएको
प्रतिक्रिया दिनुहोस
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया