खबर ठुलो छ

– आफ्नो छालासँग मिल्ने क्रिम छनोट गरौँ । नत्र, पछुताउनुको विकल्प रहँदैन ।
– चाउरीपनबाट छालालाई बचाउने प्राकृतिक उपाय प्रशस्तै छन् ।
– हरियो काँक्रोको टुक्रालाई कागतीपानीमा एक रात भिजाएर सातामा एकपटक आधा घन्टासम्म अनुहारमा राखेमा छाला चाउरी पर्नबाट बच्न सकिन्छ ।
– पाकेको (पहेँलो) काँक्रोलाई एक इन्चका टुक्राहरू बनाई कागती, चिउरीको घिउ र बेसनको हल्का पातलो झोलमा ६ घन्टा भिजाएर सातामा दुईपटक ४५–६० मिनेट चाउरिइसकेको छालामा राखी तीन–चार महिना उपचार गर्दा समस्या समाधान हुन सक्छ ।
– प्रायः कम महत्वमा पर्ने तर अति नै संवेदनशील अंग हो, छाला । मानव शरीरको सौन्दर्यसँग जोडिएकाले यसको हेरचाहमा वैज्ञानिक तरिका अपनाउनुपर्छ ।

– ९० प्रतिशतभन्दा बढी कोलाजेन प्रोटिनले बन्ने छाला शरीरको सबैभन्दा ठूलो ग्रन्थि हो, जसलाई बनोटका दृष्टिले डर्मिस र एपिडर्मिस गरी दुई भागमा वर्गीकरण गरिन्छ ।
– बुढ्यौलीपनसँगै छालामा पर्ने चाउरीपना स्वाभाविकै हो । तर, कम उमेरमा पनि यो समस्या देखिनुमा विभिन्न स्वास्थ्य समस्या जोडिएका हुन्छन् ।

– मूलतः शरीरमा पानी र पोषक तत्व (भिटामिन ए, सी र प्रोटिन)को कमी, मानसिक तनाव, अत्यधिक धूम्रपान, थाइरोइड हर्मोनको उतारचढाव यसमा जिम्मेवार छन्।
– त्यसैले जीवनशैलीमा परिवर्तन गर्नु नै समस्या निराकरणको उपाय हो ।

– स्वस्थ छालाका निम्ति मेवा, गाँजर, कागती, अमला, काँक्रो, खर्बुजाजस्ता भिटामिन ए र सी तथा मिनरल्सयुक्त वस्तुको सेवन उपयुक्त हुन्छ ।
– गेडागुडी, माछामासुजस्ता प्रोटिनयुक्त खानेकुरा पनि छालाका निम्ति अपरिहार्य छन् ।

– छाला सुक्खा हुने समस्या निराकरणका लागि मोस्चराइजरको अधिकतम प्रयोग आवश्यक हुन्छ । त्यसमा पनि आयल बेस मोस्चराइजरको प्रयोग उपयुक्त हुन्छ ।

– चिल्लो छालामा भने छिटो सुक्ने खालको मोस्चराइजर प्रयोग गर्नुपर्छ ।
– बजारमा पाइने स्टेरोइडमिश्रित क्रिमले छालामा गम्भीर समस्या निम्त्याइरहेका छन् ।
– यस्ता क्रिमले छालाको असली स्वरूप परिवर्तन गराइदिन्छन् । छाला पातलो हुने, चाउरी पर्ने र बिमिरा आउने समस्याको कारक यस्तै क्रिम हुन् ।

बुधबार, कार्तिक ०५, २०७७मा प्रकाशित गरिएको
प्रतिक्रिया दिनुहोस
सम्बन्धित खबरहरु
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया