बलिउडका ३८ फिल्म कम्पनीहरुले फिल्म उद्योगको छबि बिगारिएको भन्दै समाचार च्यानलहरुविरुद्ध मुद्दा दायर गरेका छन् । सोमबार ती कम्पनीले दिल्ली उच्च अदालतमा मुद्दा दायर गरेका हुन् । ती कम्पनीले केही मिडिया हाउस र टिभी पत्रकारहरुलाई बलिउडका विषयमा गैरजिम्मेवार, अपमानजनक र निन्दनीय मिडिया ट्रायले रोक्न समेत अपिल गरेका छन् ।

मुद्दा दायर गर्नेहरुमा बलिउड अभिनेता शाहरुख खान, आमिर खान, अजय देवगन लगायतका ठुला प्रोडक्सन हाउसहरु रहेका छन् । पछिल्ला ४ महिनायता थुप्रै मिडिया र पत्रकारहरुले बलिउड अभिनेता र सो क्षेत्रका विषयमा थुप्रै आरोप लगाइएको ती कम्पनीको आरोप छ । खासगरी ड्रग्स केसको अनुसन्धानका क्रममा धेरै बलिउड सेलीब्रेटीहरुलाई यसमा जोडिएको थियो ।

दिल्ली उच्च अदालतमा दायर गरिएको सिविल सुटमा रिपब्लिक टिभी र टाइम्स नाउलाई सामेल गराइएको छ । रिटमा रिपब्लिक टिभीका अर्नब मुखर्जी र अन्य पत्रकारहरु प्रदिप भण्डारी, राहुल शिवशंकर र नविका कुमारलाई विपक्षी बनाइएको छ ।