१९औं पटक अनसन बस्नु भएका डा. गोविन्द केसी र सरकारी वार्ता टोलीबिच आज सहमति भएको छ । दुबै वार्ता टोलीले सहमतिलाई औपचारिकता दिएपछि आजै अनसन तोड्ने तयारी रहेको उच्च स्रोतले बताएको छ । दुबै टोलीका अनुसार बिहीवार नै सहमती नजिक पुगिसकेका थिए तर डा. केसीको ६ बुँदे मागको चौथो बुँदामा कुरा नमिले पछी सहमति हुन नसकेको थियो । आज दुबै पक्षले आन्तरिक परामर्श गरेपछि कुरा मिलेको हो । स्रोतका अनुसार विश्वविद्यालय, आईओएम, काउन्सिल र प्रतिष्ठानमा पदाधिकारी नियुक्ति सम्बन्धी मापदण्ड ऐनमै राख्ने र ऐन संशोधन नहुँदासम्म वरिष्ठता र कार्यक्षमताका आधारमा नियुक्ति गर्ने सहमति भएको छ ।