मोरङको जहदा गाउँपालिका १ कुलरिया स्थित धर्म चन्द्र साहको घरबाट १०४ बोरा अबैध गहुँ बरामद भएको छ ।
भारतबाट अबैध रुपमा गहुँ पैठारी भई रहेको गोप्य सुचनाको आधारमा जिल्ला प्रहरी कार्यलय मोरङ र ईलाका प्रहरी रानीको संयुक्त टोलीले खोजि कार्य गर्दा सो गहुँ बरामद भएको छ ।
सोमवार वेलुकी करिब साढे सात बजेतिर चन्द्र साहको घर नजिक ३ वटा साइकलमा १० बोरा गहुँ फालि साइकल चालक फरार भएका छन् । निज साहको घरमा खोज तलास गर्दा ९४ बोरा थप गहुँ बरामद भएको छ । १०४ बटा बोरामा ६२४० किलो गहुँ रहेको प्रहरीले जनाएको छ ।
बरामद भएको गहुँ आवश्यक कारबाहीको लागि मुल भन्सार कार्यालय रानीमा बुझाएको र यस विषयमा थप अनुसंधान भईरहेको प्रहरीले जनाएको छ ।