बलिउड नायिका कंगना रनौटले मुम्बईस्थित बंगला भत्काएको भन्दै दुई करोड क्षतिपूर्ति दाबी गरेकी छिन् । उनले बीएमसीले बान्ड्रास्थित बङ्गला नम्बर ५ भत्काएकोमा मुम्बई उच्च अदालतमा क्षतिपूर्ति दाबी गरेकी हुन् । भारतीय सञ्चारमाध्यमका अनुसार बीएमसीले ४० प्रतिशत बङ्गलाको भाग भत्काइदिएको छ । जसमध्ये मुल्यवान सामानहरु पनि छन् । पछिल्लो समय कंगनाको शिवसेनासँग विवाद बढेको छ । शिवसेना महाराष्ट्र राज्यमा सरकार चलाइरहेको छ । कंगनाले मुम्बईलाई पाकिस्तान शासित काश्मिरसँग तुलना गरेपछि शिवसेनाले धम्की समेत दिएको छ