लायन्स क्लव अफ रंगेलीले आर्थिक अभावका कारण उपचारमा समस्या भई रहेको सुशील राजवंशीलाई पन्ध्रह हजार आर्थिक सहयोग गरेका छन् ।
मोरङ्गको रंगेली नगरपालिका वडा नं. ७ निवासी सुशील राजवंशी श्रावण १९ गते सडक दुर्घटनामा परी सक्त घाइते भएका हुन् । कर्सिया बजारबाट रंगेली जाने क्रममा सवारी दुर्घटनामा परी घाइते भएका सुशील राजवंशीलाई आर्थिक अभावका कारण थप उपचरमा समस्या भएको हो ।

उपचारमा समस्या भएको खबर विभिन्न संचार माध्यमबाट जानकारी पाएर हामीले सहयोग गरेको क्लबका अध्यक्ष कमलेश्वर ठाकुरले हिपमत डटकमलाई जानकारी दिए । अध्यक्ष ठाकुरले तात्काल उपचारमा केहि मद्दतका लागि हामीले पन्ध्रह हजार सहयोग गरेका हौं, आवश्यक्ता भए क्लबबाट अझै सहयोग गर्ने र अरुबाट पनि सहयोगको अपिल गर्ने बताउनु भयो ।