नेपाल कम्युनिस्ट पार्टी नेकपामा फेरि तडकभडक बढेको छ । आन्तरिक विवाद साम्य हुन नसक्दा पार्टी जोगाउन दोस्रो तहका तीन नेताहरु अहिले मूख्य (रोल प्लेयरका) रुपमा सक्रिय भएका छन् ।
पार्टीभित्र सहमतिको प्रयासभन्दा नेकपा गुटबन्दीमा लागगेपछि नेकपालाई फुटबाट जोगाउन स्थायी समिति सदस्य समेत रहेका घनश्याम भुसाल, शंकर पोखरेल र योगेश भट्टराई सक्रिय भएका हुन् ।
मंगलबार बिहान कृषि मन्त्रालयमा तीन नेताहरुले छलफल गरेर पार्टी एकता जोगाउन अन्य नेताहरुसँग छलफल गर्ने निर्णय गरेको बताइएको छ ।
तीन नेताहरुले आ–आफ्नो समूहका शीर्ष नेताहरुलाई सहमतिमा ल्याउने प्रयास गरेका छन् । सोही अनुसार पोखरेलले प्रधानमन्त्री ओलीसँग र घनश्याम र योगेशले अध्यक्ष प्रचण्ड र वरिष्ठ नेता माधवकुमार नेपालसँग छलफल थालेका छन् ।
यसअघि पनि विवाद समधानका लागि भन्दै स्थायी समितिका ११ जना नेताहरु सक्रिय भएका थिए। अहिले तीनै नेताहरु सहमतिका लागि शिर्षनेताहरुलाई दबाब दिने तयारीम छन् ।