बागलुङमा क्वारेन्टिनमा राख्न लैजान लागिएका एक युवकले भीरबाट हामफालेर आत्महत्याको प्रयास गरेका छन् । पर्वतको कुस्मा नगरपालिका ८ स्थित चुवामा गाडी रोकेको मौका पारेर बाग्लुङ नगरपालिका–१३ पैयूँपाटाका ३९ वर्षीय चन्द्रबहादुर नेपालीले आत्महत्या प्रयास गरेका हुन् ।
सडकबाट झन्डै ६० मिटर तल हाम फाल्दा गम्भीर घाइते उनलाई थप उपचारका लागि पोखरास्थित मणिपाल शिक्षण अस्पताल पठाइएको छ । सुनौलीबाट उद्धार गरेर ल्याइएको गाडीमा चढेका नेपाली एक्कासी भीरबाट हामफालेको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।