खबर ठुलो छ

नेपाल पत्रकार महासङ्घ कास्कीले आफ्ना सदस्यको कोरोना बीमा गराएको छ । तमु धिं युकेको आर्थिक सहयोगमा २६१ जनाको बीमा गरिएको महासङ्घ कास्कीका अध्यक्ष दीपेन्द्र श्रेष्ठले जानकारी दिनुभयो । महासङ्घमा आबद्ध ३०२ मध्ये बाँकी ४१ पत्रकारले आ–आफ्ना सञ्चारगृहबाट र अन्य केहीले व्यक्तिगत ढङ्गले पहिले नै कोरोना बीमा गरेका छन् । श्रेष्ठले देशभरि नै यति धेरै पत्रकारको बीमा गर्ने महासङ्घ कास्की पहिलो संस्था भएको जिकिर गर्नुभयो । उहाँले पत्रकारको बीमाका लागि आर्थिक सहयोग उपलब्ध गराउने युकेको प्रतिष्ठित गोरखा कप तथा नेपाली मेलाको आयोजक संस्था तमु धिं युकेप्रति हार्दिक आभार व्यक्त गर्नुभयो । प्रत्येक पत्रकारको बीमा शुल्क रु ६०० रहेको छ । कोरोना बीमा बीमित पत्रकारलाई पिसीआर परीक्षण गर्दा पोजेटिभ देखिएमा एकमुष्ठ रु एक लाख प्रदान गरिने बीमा कम्पनीले जनाएको छ । पोखरामा कोरोना सङ्क्रमण पुष्टि भएपछि नेपाल पत्रकार महासङ्घ कास्की शाखाको गत सोमबार बसेको अनलाइन बैठकले पेशागत जिम्मेवारीका कारण कोरोनाको जोखिममा अग्रपङ्क्तिमा रहेका कास्कीका सबै पत्रकारको कोरोना बीमा गर्ने निर्णय गरेको थियो । सदस्य पत्रकारको कोरोना बीमा गर्न गत मङ्गलबार महासङ्घ कास्की र सिद्धार्थ इन्स्योरेन्स कम्पनीबीच सात बुँदे लिखित सम्झौता भएको शाखाका सचिव रामप्रसाद तिमिल्सिनाले जानकारी दिनुभयो । तिमिल्सिनाका अनुसार पत्रकारको बीमाका लागि नेपाल पत्रकार महासङ्घ कास्कीमार्फत तमु धिं युकेबाट प्राप्त रु एक लाख ८० हजारमध्ये महासङ्घका सदस्य पत्रकार (२६१) को बीमा शुल्क रु एक लाख ५६ हजार ६०० भुक्तानी गरी बाँकी रकम रु २३ हजार ४०० सहयोगदाताकै आग्रहमा महासङ्घमा आबद्ध नभएका आदिवासी जनजाति पत्रकारको बीमा गर्नका लागि फोनिज कास्कीलाई हस्तान्तरण गरिएको छ ।

आइतबार, जेठ ३२, २०७७मा प्रकाशित गरिएको
प्रतिक्रिया दिनुहोस
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया