यतिका समयसम्म प्रदेशको न्वारान गर्न नसकेका रहेको बेला अस्पतालको व्रतबन्धमा स्थानीय पहिचान र भावना विपरीत नामको रटान लगाउनु कति वान्छनीय हुन्छ ?
मदन भण्डारी सबैका श्रद्धाका पात्र भए पनि अस्पताल जस्तो ठाउँ लाई पार्टीको राजनीतिक अखडा जस्तो बनाउन लागि परेको एक झुन्ड देख्दा दया लागेर आउँछ ।
कम्तीमा सबै स्थानीयवासीले त्यो नामलाई राजनीति आस्थाका आधारमा उपयुक्त मान्दैनन् भने पहिलेकै नाम राख्दा चाहिँ तिनका के बिग्रने रहेछ ?
कि नाम राख्दा मृत मान्छे जागेर आएर बिरामीको उपचार गर्ने हो ? जीवित हुँदा सम्मान गर्न नसक्ने, मारिए पछि घटना बाहिर ल्याउन नखोज्ने अनि जनताको पैसा लाई आफ्नो पैसा जस्तो गरेर लाभ लिने काम बन्द गरौँ ।
अस्पताल स्तरोन्नति हुनुपर्छ । जनताले सेवा पाउनुपर्छ तर स्थानीय बासिन्दाको भावनाको कदर हुने गरि ।