हिपमत डटकम
काठमाडौं, पौष १० गते
गायक रामकृष्ण ढकालले आफ्नोबारे गलत हल्ला फैलाइएको भन्दै दुःख व्यक्त गरेका छन् । श्रीमती निलमसँग ‘डि भोर्स’ नभएको उनले बताएका छन् । जिल्ला अदालत काठमाडौंका श्रेस्तेदार आनन्द श्रेष्ठले ‘रामकृष्ण ढकालको सम्बन्ध विच्छेद भयो’ भनेर जानकारी दिएपछि हामीले गायक ढकालसँग टेलिफोनमा संक्षिप्त कुराकानी गरेका छौं : निलमजीसँग तपाईंको डिभोर्स भएको भन्ने कुरा सत्य हो ? यो सब झुठो हो, कसरी यस्तो हल्ला फैलियो मलाई थाहा छैन ।
रामकृष्ण ढकाल भन्छन्, 'मेरो डिभोर्स भएको छैन'
See more :https://shilapatra.com/detail/17262
Posted by Shilapatra on Wednesday, December 25, 2019
जिल्ला अदालत काठमाडाैंका श्रेस्तेदारले त यस्तै जानकारी दिनुभएको छ नि ? म बुझ्दैछु । म नै अलमलमा परेको छु । डिभोर्स भएको भन्ने कुरा सरासर गलत हो । के रहेछ म बुझेपछि खबर गर्छु नि । त्यस्तो केही सम्भावना थियो र ? त्यस्तो सम्भावनाको कुरा केही छैन । मलाई धेरै जनाले फोन गरेर यसबारे जिज्ञासा राखिरहनुभएको छ । जसले मेरोबारे यस्तो हल्ला चलायो, त्यसविरुद्ध म कानुनी उपचारमा जान्छु ।