हिपमत डटकम
बिराटनगर,पौष १।प्याब्सन विराट कप फूटबल टुर्नामेन्टको उपाधि विराटनगरस्थित एभरेष्ट बोर्डिङ्ग स्कूलले जितेको छ ।
विराटनगरस्थित सहिद मैदानमा मंगलबार सम्पन्न भएको फाइनल खेलमा डनबस्को स्कूललाई सडन डेटमा ५–४ गोलले पराजित गरि एभरेष्टले उपाधि जितेको हो ।
निर्धारित समयसम्म गोल रहित खेल बराबरी र टाईब्रकेरमा पनि ४–४ गोलको बराबरी भएपछि खेल सडन डेटबाट छिनोफानो भएको थियो । जितको लागि एभरेष्ट स्कूलको तर्फबाट सलिम चौधरी, रोमन गिरी, यूइ भट्टराई, नविन न्यौपाने र डि खनालले गोल गरेका थिए । एभरेष्ट स्कूलले उपाधिसँगै सुन र चाँदी जडित आकर्षक शिल्ड प्राप्त गरेको छ । यो रनिङ्ग शिल्ड हो ।
डनबस्को तर्फबाट एपेक्स राजवंशी, अरुण राजवंशी, ढोगराज भूजेल र क्रिस केसीले गोल गरेका थिए । दिपनारायण चौधरी, प्रशेष थापा र पारस राजवंशीले गोल नगर्दा डनबस्को स्कूल उपबिजेतामा चित्त बुझायो ।
फाइनल खेलको म्यान अफ द फाइनल डनबस्कोका दिपनारायण राजवंशी तथा प्रतियोगिताको उत्कृष्ट खेलाडी एभरेष्ट स्कूलका सलिम चौधरी घोषित भए । त्यस्तै प्रतियोगिताको अनुसाशित टिम गोदावरी बोर्डिङ स्कूल घोषित भयो । प्रतियोगिताको विजेता हुने खेलाडीहरूलाई प्याब्सनका केन्द्रीय अध्यक्ष टिकाराम पुरी, केन्दीय सचिव राजेशकुमार दास, केन्द्रीय सदस्य बासुदेव न्यौपाने, केन्द्रीय सल्लाकार डा. उद्धब पोखरेल, नगर अध्यक्ष इन्द्र राई, अभिभावक संघ प्रदेश १ का अध्यक्ष देबी पन्थि र कोशी क्याम्पसका निर्देक मनिष सोनीलगायतले पुरस्कार तथा प्रमाणपत्र वितरण गरेका थिए । ट्रफिमा जडित १८ तोला चाँदी कोशी क्याम्पसले उपलब्ध गराएको आयोजकले जनाएको छ ।
सोही अवसरमा एन्फाका पूर्व केन्द्रीय उपाध्यक्ष सन्तोष बानियाँलाई प्याब्सन विराटनगरले सम्मान गरेको छ । उनलाई कदर पत्र र दोसल्ला ओढाएर सम्मान गरिएको हो ।
निजी तथा आवासीय विद्यालय अर्गनाइजेशन (प्याब्सन) विराटनगरको आयोजनामा भएको प्रतियोगितामा ४० वटा टिमको सहभागि रहेको प्याब्सन नगर सचिब अर्जुन श्रेष्ठले जानकारी दिए ।
१.
२.
३.
