खबर ठुलो छ

कोरोना भाइरस (कोभिड १९) को संक्रमण फैलिन नदिन सरकारले दुई हप्ता लामो ‘लकडाउन’ गरेपछि नेपाली फिल्मका हरेक गतिविधि ठप्प भएका छन् । कोरोनाको त्रासले फागुनबाटै फिल्म प्रदर्शनमा आउन छाडेका थिए भने ‘लकडाउन’ पछि फिल्मको छायांकन पनि रोकिएको छ । जसले गर्दा फिल्ममा मजदुरी गरेर परिवार पाल्ने प्राविधिकहरुलाई आर्थिक संकट परेको छ ।

‘लकडाउन’ पछि फिल्म प्राविधिकहरुलाई बिहान बेलुका हात-मुख जोर्नै समस्या भएपछि चलचित्र प्राविधिक संघले फिल्मकर्मीसँग सहयोगको अपिल गरेको थियो । शुक्रवार ‘छक्का पञ्जा’ टिमले प्राविधिकहरुका लागि १ लाख १० हजार दिने घोषणा गरेको केही घण्टापछि अहिलेका हटकेक अभिनेता पल शाहले पनि सामाजिक सञ्जालको माध्यमबाट सहयोग रकम घोषणा गरेका छन् ।

बिश्वव्यापी महामारीका रूपमा फैलिरहेकाे काेराेना भाईरस(Covid-19)काे प्रभावले अाम मानिसकाे जनजिवन प्रभावित भइरहेको छ।…

Posted by Paul Shah on Friday, April 3, 2020

फेसुबकमा स्टाटस लेख्दै अभिनेता शाहले विपन्न तथा आर्थिक अवस्था कमजोर भएका प्राविधिकहरुलाई आफ्नो व्यक्तिगत तर्फबाट ५ लाख सहयोग गर्न लागेको जानकारी गराएका हुन् । ‘विपन्न तथा आर्थिक अवस्था कमजोर भएका चलचित्र प्राविधिक तथा अन्य सहयोगीहरूको जनजीवनलाई सहज बनाउनको लागि आर्थिक सहयोग गर्ने घोषणा गर्दछु,’ उनले लेखेका छन् ।

यो सहयोग वितरण कार्यमा उनले चलचित्र प्राविधिक संघसँग सहयोगको अपेक्षा राखेका छन् । आर्थिक अवस्था कमजोर भएका फिल्म क्षेत्रमा सक्रिय सबैको साथमा आफू रहेको पनि उनले उल्लेख गरेका छन् । प्राविधिकहरुका लागि ठूलो रकम सहयोग गरेपछि फिल्मकर्मी र दर्शकले उनको प्रशंसा गरेका छन् । प्राविधिकहरुका लागि अहिले सहयोग जुट्ने क्रम बढेको छ । यता नायिका बर्षा सिवाकोटी तथा चपली हाईट निर्माता अर्जुन कुमारले भने कोरोना नियन्त्रणको लागि भन्दै सरकारलाई यसअघि नै सहयोग गरिसकेका छन् ।

शुक्रबार, चैत्र २१, २०७६मा प्रकाशित गरिएको
प्रतिक्रिया दिनुहोस
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया