काठमाडौँ — नेपाली कांग्रेसले राष्ट्रिय सभाका लागि नौ जनालाई उम्मेदवार बनाउने निर्णय गरेको छ । बुधबार बसेको कांग्रेस केन्द्रीय कार्यसम्पादन समिति बैठकले प्रदेशगत रूपमा उम्मेदवारको टुंगो लगाएको हो ।

निर्णयअनुसार कोशी प्रदेशबाट सुनिलबहादुर थापा, मधेस प्रदेशबाट धमेन्द्र पासवान र सञ्जत कर्ण उम्मेदवार चयन भएका छन् । यस्तै बागमती प्रदेशबाट गीता देवकोटा, गण्डकी प्रदेशबाट जगत तिमल्सिना, लुम्बिनी प्रदेशबाट बासुदेव जंगली र चन्द्रबहादुर केसीलाई उम्मेदवार बनाइएको छ ।

कांग्रेसले कर्णाली प्रदेशबाट ललितबहादुर शाही तथा सुदूरपश्चिम प्रदेशबाट खम्मबहादुर खातीलाई राष्ट्रिय सभा उम्मेदवार बनाउने निर्णय गरेको जनाएको छ ।