काठमाडौँ । सुनको मूल्य एकैदिन ७ हजार ९०० रुपैयाँले घटेको छ।

नेपाल सुनचाँदी व्यवसायी महासंघका अनुसार सोमबार सुनको मूल्य प्रतितोला २ लाख ६२ हजार १०० रुपैयाँ कायम भएको छ। आइतबार सुन प्रतितोला २ लाख ७० हजार रुपैयाँमा कारोबार भएको थियो।

त्यस्तै, चाँदीको मूल्य पनि सोमबार प्रतितोला ३०५ रुपैयाँले घटेको छ। यससँगै चाँदीको मूल्य प्रतितोला ४ हजार ५९० रुपैयाँ पुगेको छ।

आइतबार चाँदी प्रतितोला ४ हजार ८९५ रुपैयाँमा कारोबार भएको थियो।